قلب الوطن للشاعر امير جميل
فين الوطن ألقاه..
عيشة ما فيها حياه
والدين شعاره الله
والضرب فيه مدفوع!
قلب الوطن موجوع
الحب فيه ممنوع
والجرح منّه دموع
والروحة مش برجوع
النهضة مش بالقول
ولا بالكفاية الفول
نهضة يا رب تزول
حطّت علينا بجوع
قلب الوطن موجوع
قلنا صليب وهلال
مينا دا زي بلال
والحال شبيه الحال
بس انت مش في الطوع
قلب الوطن موجوع
يا وطن كفاية الحزن
عايش كإني فـ سجن
مش لاقي فيك الحضن
صوتي دا مش مسموع
قلب الوطن موجوع
الحرّ فيك شاف ويل
مرفوض لإنه عميل
ماشربش ميّة نيل
ولا فاهم الموضوع!
قلب الوطن موجوع
لمتابعة اعمال الشاعر امير جميل فور صدورها من خلال الرابط
www.facebook.com/amir.gamil.poet
أمير جميل،
